傢私嘅安裝時間要視乎傢私數量、現場環境同複雜程度而定。一般嚟講，一間房嘅傢私，包括雙人床、一個衣櫃同埋一張台，需要一日時間先可以完成安裝。如果係兩房或者一房一廳，就需要兩日時間安裝；三房或者兩房一廳就至少需要三日時間，另外因為傢私數量比較多，需要花額外嘅時間去分貨，所以會加多一日，即總共四日。如果客廳比較細，裡面嘅傢私都可以當一間房計算安裝時間。如果客戶急入夥嘅話，可以提前同我哋溝通安排時間。
因為我哋公司所有傢私都提供收口服務，所以用嘅時間會比較多啲，希望客人理解。另外，除咗時間之外，客人需要提供足夠空間畀師傅安裝，如果客人屋企物品比較多，需要師傅幫手搬動物品，可能就需要更多嘅時間安裝。